火埃神組隊之路

近日見到好多人問關於火埃組隊既問題,我今日就打返篇野介紹下火埃TEAM啦。

首先講一講其他埃神先, 木同暗埃前者易用低攻而後者難用高攻,基本上抽完除左因為抽到神而開心都唔會再理佢地…

之後就講下水埃,水埃只係需要3種屬性就有3倍攻,新手黎講會比較好用,雙水埃可以組成9倍既強攻隊。

我相信水埃隊可以清到大部份既普通關,但係對於地獄關同高手黎講就會嫌唔夠好用因為水埃大派用埸應該只限於3色關。

另外要介紹埋光埃,光埃係5屬攻擊就有6倍攻,可以組成36倍攻隊。好可惜經過我試左幾次之後,就算假設你100%連到5屬都好,大前提都要9HO比夠5屬珠你轉…

而5屬珠都出現既機會率就大約只有2-3成,無穩定既輸既出同時光埃大派用場既時候就只有如天空龍,撒坦依類場,因為呢類場無心既關系成功率會有8成或以上。

最後就到主角,亦係可以話現時最人氣既隊長—火埃。

火埃既隊長技係4屬性4倍攻,可以組成16倍既穩定輸出隊,就等我講解下應該點組隊︰

火埃TEAM由於係多屬強攻TEAM,所以劍士基本上係唔會入火埃TEAM,而心轉係無寵既情況之下可以擺一隻入TEAM以防讀心卡珠。

咁禁究竟火埃TEAM應該入咩寵呢?

強攻TEAM既入隊要求應該得以下3點︰
1) 令到隊野可以向對手作出瞬間爆炸性傷害 –> 扣分
2) 令到自己隊有多幾RD攻擊機會 –> 威嚇、半減
3) 令到自己有足夠既RD數儲技 –> 轉心珠回血

好啦,依下就係一D入隊既例子,隊長2隻火埃唔解釋,隊員入面4隻要有水 木 光 暗 4隻屬性
—-> 蛇女 木印 8J 暗光死神 <—
[img]http://images3.wikia.nocookie.net/__cb20121214062051/pad/zh/images/thumb/7/7e/491i.png/60px-491i.png[/img][img]http://images4.wikia.nocookie.net/__cb20120423022853/pad/zh/images/thumb/8/81/201i.png/60px-201i.png[/img][img]http://images4.wikia.nocookie.net/__cb20120420151542/pad/zh/images/thumb/f/fa/135i.png/60px-135i.png[/img][img]http://images2.wikia.nocookie.net/__cb20120703110139/pad/zh/images/thumb/0/0a/241i.png/60px-241i.png[/img][img]http://images3.wikia.nocookie.net/__cb20121009043517/pad/zh/images/thumb/2/2a/396i.png/60px-396i.png[/img][img]http://images3.wikia.nocookie.net/__cb20121214062051/pad/zh/images/thumb/7/7e/491i.png/60px-491i.png[/img]
依隊有蛇女同8J 2次拖RD,又有木印既轉心令到所有寵齊技,最後死神既扣分令到BOSS血量大減至7成, 基本上都可以話係可以話係最完美、最理想既火埃TEAM,唯一大問題就係你要抽到8J、木印同死神…

而對於最上既完美TEAM,如果你真係抽唔到,咁可以搵咩寵取代呢?

首先一隻滿技既蛇女係火埃係一個好重要既角色,加上之前有蛇女關,相信大部份人都有一隻滿技蛇女旁身。坦白講係火埃TEAM入面的確無野可以取代到蛇女既地位。(8J 儲技時間太長,係超地獄級未必儲得切技)

之後就講講木依個位,木TEAM可以取代到木印既寵可以話係無…但係抽唔到取代既寵都唔係完全無,只係效果大大降低而已。位幾包括︰

1) 須左男 — 減半技可以令到自己有多幾RD既時間攻擊
2) 光龍王 — 隊長技不但可以取代到心轉, CD升爆亦可以去到10 RD,木光雙屬加上係平民入手寵,無木印既玩家不妨打返隻放入TEAM,唔係錯過左機會就唔知幾時再有
3) 大英雄 — 防讀心卡太多心珠係場(我自己用緊,其實皆因真係唔知擺咩好…)

到左光同暗個位,由於光同暗既寵無論技同3圍都比較強,有唔小既寵可以揀,當中光暗港女、光暗死神 依2隻都係頭號推介,不但有其他寵可以升技,雙屬亦令到組隊自由高提高,再者2隻既主動技都能夠大大減低BOSS既血量,唯一問題係要抽…

冰赫拉、宙斯 依2隻打到返黎既神亦係火埃TEAM既第2選擇,扣分技亦非常有用,如果你有足夠既RD數儲齊2隻技扣佢一半血加埋蛇女基本上都贏左,但問題係CD真係太長,對於只有5-7關既地獄關可能你比佢打死3次都未儲完技…

如果你真係連以上既寵都無,以下幾隻都可以暫時入到火埃TEAM,但係唔好諗住打地獄關…如下︰

1) 水奶
2) 雙屬寵
3) 心轉寵

其他組隊建議

蛇女 水奶 光龍王 冰赫拉 <–可以解決到無木印儲技既問題
蛇女 大英雄 冰赫拉 宙斯 <– 我依家用緊既TEAM,問題係CD太長,地獄關儲唔切技

-以上只反映個人應見-

以上資訊由 22號BB 巴打(會員編號: 193753) 提供、老子唔抆屎 巴打(會員編號: 139587)修改

Leave a Reply